සංගීත

විෂය         -   සංගීත
ගුරුභවතා -   රංග ගුණවර්ධන  මහතා
පාඩම        -  නව නාට්‍ය ගී
පන්ති පැවැත්වූ දිනය -  2020.04.21
වේලාව -   ප.ව. 04.00 - ප.ව. 05.00






.......................................................................................................

පුතේ, දෙවන වාරයට නියමිත පළමු වන පාඩම  අපි අවසන් කලා. අද තියෙන්නෙ දෙවන පාඩම .

නව නාට්‍ය ගී

අපි මේ පාඩමට අදාළ සටහන ලියා ගන්නට ලෑස්ති වෙමු.

නව නාට්‍ය ගී යනු වේදිකාවක් මත නාට්‍ය රග දක්වමින් ගයනු ලබන ගී විශේෂයකි.සජීවී ප්‍රේක්ෂක පිරිසක් ඉදිරියේ නාට්‍යනුසාරයෙන් චරිත නිරූපණය කරමින් නාට්‍ය රග දක්වමින් ගයනු ලබන ගී නව නාට්‍ය ගී ලෙස හදුන්වයි. නව නාට්‍ය  කලාවේදී නාට්‍ය සංගීතයට ප්‍රමුඛ ස්ථානය ක් හිමිවේ. නව නාට්‍ය නිර්මාණයක් තුළ සංගීතය ප්‍රධානතම කලා අංගයක් ලෙස හැදින්විය හැක. වේදිකාවක් මත නාට්‍ය රග දැක්වීමේදී චරිතාංගයන්ට අදාළ දෙබස්, සංවාද,සිද්ධි, අවස්ථා හා නාට්‍යෝචිත අවස්ථා නිරූපණය කිරීමේ දී සංගීතයට සුවිශේෂී ස්ථානයක් හිමිවේ.

ශ්‍රී ලාංකීය නව නාට්‍ය සම්ප්‍රදායේ සමාරම්භය සනිටුහන් වන්නේ ක්‍රි.ව 1956 එදිරිවීර සරච්චන්ද්‍රයන්ගේ මනමේ නාට්‍ය වේදිකා ගත කිරීමත් සමගය. එතැන් පටන් බිහිවූ දේශීය නව නාට්‍ය සම්ප්‍රදාය ලෝක ධර්මී (තාත්වික නාට්‍ය) ,
 නාට්‍ය ධර්මී ( ශෛලීගත), අර්ධ ශෛලීසත හා මුද්‍රා නාට්‍ය  වශයෙන් බෙදා දැක්විය හැක.

ලෝකධර්මී නාට්‍ය යනු තාත්වික ස්වරූපයෙන් එනම්, දෙබස්,සංවාද,චරිතාංග,වාචික අභිනය ප්‍රමුඛව සතර අභිනයෙන් ද නාට්‍ය රගදැක්වීමයි.

නාට්‍ය ධර්මී යනු නාට්‍යමය රීතීන් හා නාට්‍යමය මූලධර්ම අනුව කිසියම් නාට්‍ය ශෛලියකට අනුව නාට්‍ය රගදැක්වීමයි.

ශෛලීගත නාට්‍ය වල අත්වැල් ගායක කණ්ඩායමක් සිටීම ඊට අනන්‍ය ලක්ෂණයකි.

අර්ධ ශෛලීගත නාට්‍ය යනු තාත්වික නාට්‍ය වල හා ශෛලීගත නාට්‍ය සම්ප්‍රදායෙහි අංග ලක්ෂණයන් මිශ්‍රව නිර්මාණය වූ නාට්‍ය වේ.මුද්‍රා නාට්‍ය යනු මුද්‍රා වලින් පමණක් අදහස් හැගීම් ප්‍රකාශනය කරන නාට්‍ය වේ.මෙහිදී හස්ත, පාද,අංග,ප්‍රත්‍යාංග මුද්‍රා මගින් වාචික අභිනයෙන් තොරව සංගීතය ප්‍රබලව යොදා ගනිමින් රග දක්වනු ලබන නාට්‍ය සම්ප්‍රදායකි.

ශ්‍රී ලාංකීය නව නාට්‍ය සම්ප්‍රදාය තුළ ඉතා ප්‍රචලිත නව නාට්‍ය කෘති කීපයක් නාට්‍ය ප්‍රභේද යටතේ නිදසුන් දැක්විය හැක.

තාත්වික නාට්‍ය

   1. කැළණි පාලම
   2. තාරාවෝ ඉගිලෙති
   3. අංගාරා ගග ගලා බසිති
   4. රතු හැට්ටකාරී
   5. කුවේනි
   6. රාජ කපුරු

* ශෛලීගත නාට්‍ය

   1. මනමේ
   2.සිංහබාහු
   3.හුණුවටයේ

* අර්ධ ශෛලීගත

   1. නරිබෑනා
   2.බෙර හඩ
   3. දෙපානෝ
   4.මී පුර වැසියෝ

මුද්‍රා නාට්‍ය (පෙරදිග - ශ්‍රී ලංකාව)

   1. කරධිය
   2. නලදමයන්ති

මුද්‍රා නාට්‍ය (අපරදිග)

   1. මානස විල
   2.බැලේ

නිර්දේශිත නාට්‍ය ගීත
(අන්දරේලා නාට්‍ය)

තාරාවෝ ඉගිලෙති නාට්‍ය

රාජ කපුරු නාට්‍ය

අබුද්දස කෝලම

අදට පාඩම අවසන්
හැමෝම මේ සටහන ව්‍යවහාරික සංගීතය කොටසේ අනිවාර්යයෙන්ම ලියා ගන්න. 🙏