විෂය - චිත්රගුරුභවතා - භාරත කුමාර රූපසිංහ මහතා
පන්ති පැවැත්වූ දිනය - 2020.05.17
වේලාව - ප.ව. 02.00 - ප.ව. 04.00
.................................................................
ආයුබෝවන් දරුවනේ
පටන්ගමු අපේ චිත්ර පාඩම
අද ඔයාලට ඉතාම වැදගත් පාඩමක් පටන්ගන්නයි සුදානම.
පාඩම වර්ණ පිළිබඳවයි
වර්ණ
වර්ණ පිළිබඳ සටහන තවත් ආකාරයකින් දක්වන්න පුළුවන් ඔයාලා කැමති ආකාරයෙන් මතක තියාගන්න
නිල් කහ රතු මුලික වර්ණ ලෙස සලකනවා
නිල් කහ රතු යන මුලික වර්ණ වලින් දෙකක් එකිනෙකට මිශ‍්‍ර කිරීමෙන් ද්විතියීක වර්ණ සැදෙනවා
ඒ කියන්නේ දම්, තැඔිලි සහ කොළ ද්විතියීක වර්ණයි
මේ වර්ණ පාඩම ලියන පොතේ රූප සටහන් සහිතව ලියාගන්න
ඇසට සිසිලසක් ගෙන දෙන වර්ණ ශීත වර්ණ ලෙසද ඇසට උණුසුමක් දැනෙන වර්ණ උෂ්ණ වර්ණ ලෙසද සැලකේ
ඊලගට අපි බලමු විසංගත වර්ණ කියන්නේ මොනවද කියලා
පහත රූප සටහනෙන් මෙය ගවත් පැහැදිලි වේවි.
ඔයාලා හොඳ අවබෝධයෙන් මේ වර්ණ පාඩම අධ්‍යනය කරන්න.
ප‍්‍රායෝගික කොටසෙදි (මෝස්තර වලදි) ඔයාලට සමහර මෝස්තර වර්ණ කරන්න කියනවා විසංගත වර්ණ වලින් අන්න ඒ වගේ අවස්ථාවක දි වර්ණ පිළිබඳ පුළුල් අවබෝධයක් නැතිනම් අදාල කි‍්‍රයාකාරකමෙන් ලකුණු ගන්න ලැබෙන්නේ නෑ
මේ තියෙන්නේ එලෙස විසංගත වර්ණ වලින් කරපු නිර්මාණ කිහිපයක්. ඔයාලත් උත්සාහ කරලා බලන්න පුතේ. එවැනි නිර්මාණ මට බලන්න මගේ පුද්ගලික වට්ස්ඇප් එකට එවන්න.
කලින් මම ඔයාලට විස්තර කළා ශීත වර්ණ පිළිබඳව නමුත් පරිසරය දෙස බලලා ඔයාලා මේ පිළිබඳව විමරශනය කරලා නැතුව ඇති. ඉහත රූපසටහන දැක්කට පසුව ඔයාලට හිතෙයි මේ පිළිබඳව සොයාබලන්න.
උෂ්ණ වර්ණ පිළිබඳවත් මේ වගේ රූපස ටහනක් තියෙනවා දරුවෝ සියලුම දෙනා බලන්න.
වර්ණයක ලා පැහැයේ සිට තද පැහැය දක්වු වූ වර්ණ වර්ණයක ප‍්‍රභේද කියලා හඳුන්වන්න පුළුවන්. මෙයට අපි කියනවා වර්ණයක පැහැඅන්තරය කියලා. වර්ණයක ටෝන් එක කියලා කියන්නෙත් මේ දේටයි
හොඳයි පුතේ දැන් වර්ණ පිළිබඳ යම් අවබෝධයක් ඔයාලට ලැබෙන්නට ඇති.
අපි මේ වර්ණ පාඩම ඇසුරෙන් පොඩි අභ්‍යාස කිහිපයකුත් කරමු නේද?
පුතාලා වර්ණ ගැන ඉගෙන ගත්තනේ. අපි වර්ණ ගැන ඉගෙන ගන්නේ පරිසරයෙන්. මේ අපි ඉන්න පරිසරයෙන් තමයි අපිට වර්ණ ලැබෙන්නේ. ඉතින් අපි අනාගත පරපුරටත් මේ වර්ණ දකින්න ඉතිරි කරන්න ඔ්නේ. අපි ජීවත්වන ලෝකය ලස්සන වෙලා තියෙන්නේ මේ වර්ණ නිසයි. අපි අනාගත පරපුර සඳහා මේ වර්ණ සුරකිමු.
තෙරුවන්සරණයි දරුවනේ.
අපි තවත් චිත්ර පාඩමකින් යමුවෙමු.
No comments:
Post a Comment